Кон примопредавање на градбата, како последна фаза од изведувањето на градежните работи се пристапува откако изведувачот ќе го извести нарачателот дека работите што се предмет на договорот се завршени.
Приемот на изведените работи претставува акт со кој нарачателот потврдува дека работите биле извршени во согласност со договорот, прописите и правилата на струката. Тоа е, исто така, момент од кој започнува да тече гарантниот и осигурителниот период.

Приемот или припоредавањето на градбата може да се јави во два вида: привремен (или со ставање резерви или услови) и конечен (без резерви).
Кога приемот на изведените работи е придружен со одредени резерви, нарачателот може да плати половина од договорената цена.
Во вакви случаи, изведувачот е должен да ги отстрани недостатоците во одреден рок.